تعرف على ستيفن هوكينج فى يوم موته وماذا قال العرب عنه
قبل ساعات قليلة ودعت الارض احد اكبر واهم رجالها..
رجل لا يتكرر كل يوم.. رجل ساهم بنقل الفيزياء الكونية والعلم نقلات نوعية.
انه العظيم ستيفن هوكينج.
ولد هوكينج في أكسفورد إنجلترا عام 1942 وهو من أبرز علماء الفيزياء النظرية على مستوى العالم والتاريخ،
درس في جامعة أكسفورد وحصل منها على درجة الشرف الأولى في الفيزياء أكمل دراسته في جامعة كامبريدج للحصول على الدكتوراه في علم الكون له أبحاث نظرية في علم الكون وأبحاث في العلاقة بين الثقوب السوداء والديناميكا الحرارية، كما له أبحاث
ودراسات في التسلسل الزمني
قام ستيفن هوكينج بتأليف عدة كتب أهمها:
تاريخ موجز للزمن 1988
الثقوب السوداء والأكوان الناشئة 1993
الكون في قشرة جوز 2001
الوقوف على أكتاف العمالقة 2002
تاريخ أكثر إيجازا للزمن 2005
الله خلق الأرقام 2005
التصميم العظيم 2010
تاريخي الموجز 2013
نم هانئاً هوكينج.. فالعُلماء لا يموتون.
من شوية اتوفى ستيفن هوكنج اشهر عالم فيزيا فى العصر الحديث واشهر مصابى مرض التصلب الجانبى
مرض التصلب الجابنى ده مرض بيصيب الجهاز العصبى وبيسبب ضمور الاعصاب والشلل التام والوفاة فى غضون خمس سنوات على الحد الاقصى
ستيفن هوكنج اصيب بالمرض ده وهو ف سن 21 والاطباء قالوا انه ادامه شهور معدوده ويموت لكنه عاش لحد ماوصل 76 سنه ومات النهارده
الغريب انه قبل مايصاب بالمرض كان شخص عادى تفوقه غير مبهر الا ان بعد اصابته بالمرض وهو ملازم الكرسى المتحرك اصبح ظاهره فى الارادة والنبوغ وحصل على مايقرب من 12 درجة فخريه وقام بتأليف اكتر من 12 كتاب كان اهمهم " تاريخ موجز للزمن " اللى اتباع منه اكتر من 10 مليون نسخة
ستيف ماكنش قعيد بس ده جاله التهاب رئوي واضطر لعمل جراحة افقدته القدرة على الكلام ومكنش فيه اى وسيلة يتواصل بيها مع الناس لا حركه ولا كلام الا عن طريق حركه حواجبه وكان بيحركها حرف بحرف وبيترجموا الكلام منه حرف بحرف لحد ما شركة انتل قدرت انها تصممله جهاز كمبيوتر يقدر يتوقع كلماته عن طريق حركة عضلة ف الخد ويخرجها فى صورة صوت
ستيفن عاش 76 سنه منهم 55 سنة مابيتحركش و 30 سنه مابيتحركش ولا بيتكلم ولكنه حقق انجازات عجز عن تحقيقها 7 مليار شخص سليم عايشين ع الكوكب.
ولكن عن نفسي بعتبره مثال استثنائى للارادة اكتر بكتير جدا من العلم
هذا وفق رأي
يقول على صفحته على الفيس
انا مستغرب الخناقه اللي بين الطرفين والله بخصوص ستيفن هوكينج , وده لأني كنت فاكر الخناقه دي مابتتعملش الا على مجدي يعقوب بس ,لكن اتضح انها ممكن تتعمل مع اشخاص تانيه عادي
بالنسبه للطرف اللي عاوز يدخل ستيفن هوكينج الجنه بالعافيه في حين انه عالم كبير زي ده نص كتاب الفيزيا بتاعه وعقله يوزن بلد ويوزن كل اللي بيدافعوا عنه واللي بيشتموه مكنش مؤمن بحاجه زي دي وشايف ان مفيش ربنا اصلا وانه لما هيموت هيتحول لوقود عضوي هيلاقيه ابو سلمان في شبه الجزيره العربيه ويبيعه بترول ويبقى غني يجيب عربيات لاند كروزر ويتعشي مندي .
وكان شايف دي سنه الطبيعه وما قالش ونبي ياجماعه بعد ما اموت دافعو عني وانكروا دخولي النار وتمنوا دخولي الجنه اللي انا مش مؤمن بيهم اساسا
فالراجل مطلبش منكم تستميتوا في الدفاع عنه يعني وتوجعوا دماغنا واسكتوا عشان يرتاح في تابوته ونرتاح احنا هنا
اما بقى بالنسبه للطرف التاني اللي عمال يصر على دخوله النار ويبحث في الادله وسعيد جدا بأنه الحمد لله هيدخل النار وهيخلد فيها وهيتشوي كأنه بياخد فلوس كل ما عدد اكبر من الناس تدخل النار وتموت على الكفر والالحاد
اتمني انه يبطل يتكلم في موضوع مين هيدخل الجنه ومين هيدخل النار ويركز في نفسه عشان يدخل هو الجنه عشان لو دخل النار ساعتها مش هيعرف هل ستيفن هوكينج ومجدي يعقوب دخلوا الجنه ولا النار ,,, فأجتهد اخي لتدخل الجنه حتى تعلم في النهايه مين هيدخل الجنه ومين هيدخل النار وتعرف ايه الحكمه من خلق احمد موسى و موسى مصطفي موسى ومين الوغد اللي مداش السيسي صوته وخلاه لما يكسب الانتخابات يكسبها بنسبه 99,9 %
لما واحد مش مسلم مات و جنازته عدت قدام رسول و نبى المسلمين و أتقى واحد فيهم قام وقف ليها ..
"إِنَّ النَّبِيَّ صَلَّى اللَّهُ عَلَيْهِ وَسَلَّمَ مَرَّتْ بِهِ جِنَازَةٌ, فَقَامَ, فَقِيلَ لَهُ: إِنَّهَا جِنَازَةُ يَهُودِيٍّ, فَقَالَ: أَلَيْسَتْ نَفْسًا" رواه البخارى
عندى مشكلة مع الناس اللى ربنا مَّن عليها بالإيمان ف بتعاير بيه الناس التانية اللى كان ممكن يبقوا زيهم لولا فضل الله .. و عندى مشكلة مع الناس اللى مخنوقة منهم ف بتضرب كرسى ف العقيدة
أنا ليا عند أى انسان تعامله معايا و مع دينى .. و حتى لو كان مختلف مع عقيدتى بس بيتعامل مع اختلافه ده بإحترام مالوش عندى غير البر و القسط
"لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ ۚ إِنَّ اللَّهَ يُحِبُّ الْمُقْسِطِينَ"
نيجى بقى كمان للحالة الخاصة اللى معانا .. الراجل ده تحدى الإعاقة و نجح و نبغ و قصة نجاحه لازم نعترف بيها و نتعلم منها بالتحفظ على المعتقد لو مش مناسب لينا .. الراجل ده عالم ربط النسبية بفيزياء و ميكانيكا الكم و ساعد فى تقريب مفاهيم النسبية اللى هى من اساسيات الفيزياء المعاصرة .. الراجل ده لو ف عهد احد الخلفاء انا أظن انه كان هايبعت طلبة علم الفيزياء تتعلم على ايده
الراجل ده اخد موقف رائع مع الاحتلال الصهيونى و رفض حضور مؤتمر علمى هناك اعتراضاً على الإحتلال .. موقف معظم الناس اللى انتو بتصقفولهم مايقدروش ياخدوه ..
الراجل ده مات ..
قوم أقف ..
تعليقات
إرسال تعليق